職場日記,11-04-2013_悔氣說話

職場日記
11-04-2013
悔氣說話

終於排到我放假, 難得可以休息, 當然眠一眠.
可惜, 一大清早, 電話一響, 整個春夢被人打散... 公司係第二個時區(可能異度空間) FIGHT到一個合約返黎), 一大清早就要你返去起貨比佢, 七點前要TEAM人齊晒係OFFICE度, 收線, 望住電話, 6:11AM...
我想, 個個MOMENT我除左講粗口之外, 只有快快梳洗返工, 畢業係香港冇野做真係會死...

一早, 成TEAM人係老細們既匯報下了解個JOB 係做咩野, 我地分左D功課, 之後各自去衛, 衝, 衝...
我地胡亂地食左個早餐之後, 個場開始亂, 老細既老細黎左, 唔太滿意我地做既功課, 改D, 加D 又減D, 我頂... 硬上... 基本上, 我地冇咩野人去食下午個餐, 又係胡亂地係茶水間摷野食, 有咩野都放入口, 務求自己唔好血糖過低而暈低. 就係甘, 做到天黑...

之後, 老細行埋黎同我講, "你介唔介意開埋個OT頂左個project去?"
心想, 其實我可以唔接個電話, 我亦唔應該也渡理由去做你份JOB...
"好呀!" 最後向五斗米而折腰...
唉... 嘆氣自己甘天真, 甘傻, 個假甘就冇晒, 而老細們認為係應份既, 只係, 好多時, 有好多野自己控制唔到, 可以做既野其實好有限...

做好份JOB, 要比一位SENIOR PROJECT MANAGER 睇, 簡單黎講佢係負責整合所有野既"有料之人", 同時亦係一名無奈既打工仔, 野係佢做到最後, 氣照受
"係唔係下下要去到死線先接份PROJECT 黎做? 其他公司唔係甘!" 坐係佢旁邊, 聽對方一路發悔氣地訴苦, 自己亦一路做, 一路反思自己是否應該好似佢甘按章工作...

放工, 看看電話, 有家人朋友留言, 原本已經錯過甘多聚舊既機會.
到最後, 究竟係份工重要D, 還是係親情友情緊要?
有點想不通...

走到魚缸前面, 見到D 魚游來游去, 甚是快樂.
魚既記憶只有七秒鐘, 七秒過後, 見過既人事物都會忘掉.
有時好想有呢種甚麼都忘記既能力, 忘掉所有心中不快.
可是自己開心個D? 有時也想一拼忘掉.
有時甚麼會聯想起天不快既事, 心中不是味兒.
與其不快, 倒不如像魚一樣全部忘記去.
即使一絲快樂, 悲傷, 憤怒, 不快... 一切一切都只是維持七秒, 過後不再痛苦.

職場日記,10-27-2013_死線

職場日記

10-27-2013

死線

終於撐到第二個星期六.

講真, 以前讀大學時都有試過係死線前衝功課, 只不過係一次過將功課左抄右抄. 畢業之後, 公司接大野黎攪, 但係, 呢件唔係肥豬肉, 而係人地攪唔店而pass 比我地攪既一件"燙手山芋".

本來公司唔想接, 可能管理層覺得我地公司係fit 馬, 諗左一陣都係接左落黎. 甘就瘋狂左一星期. 本身一星期做足六日已經體力透支, 再黎超時OT, 做到想死. 睇住個天黑都照做本來係閑事. 但一路做, 做到天光返...

嘩!!七點啦?!

係死線前死份"功課" 出黎, 成功感係有, 但會筋疲力盡, 畢竟連續做野超過二十個鐘, 真係做到眼又朦, 同身骨痛. 連起身走人時都要同盡力先起到身... oh no...

唉! 讀書時日日想出黎做parttime 搵錢, 出到黎又覺得讀書真係開心好多...

anyway, 做多左幾次, 捱多幾晚, 就會習慣. 然而, 老闆們只看"功課成績", 從來唔會理我地做得幾甘辛苦. 份功課做唔到, 人之常情; 做到, 仲可以威比人地睇. 

 星期日玩得開心D

萬聖節又要做野, 冇得玩啦... -_-

職場日記,10-20-2013_成長

職場日記
10-20-2013
成長



終於係無止景既堆案中等到假期既來臨...
但其實, 返到屋企, 我係會變左公務式地check 自己電郵, facebook, 其他account 野, 之後覺得自己變得愈來愈似一個工作機器, 只會投入去工作, 回應... 開始失去感情...

我想, 每天都想, 基乎每刻都想唔使做野.
每日工作撞板多過食飯(事實上近來胃口差左, 仲減左磅), 做得太多錯事...
要搵一份人工好, 路數好, 工作量相宜, 又壓力唔大既工, 原來係香港真係甘難.
"你份人工唔係包左開OT既錢咩?" 老闆們最中意問呢句.

星期六, 刻意唔開OT, 去搵朋友行一轉中上環區.
自己特意由尖咀搭天星小輛到中環碼頭, 再搭叮叮.
點解以前D人可以搭D 甘慢既交通工具, 可以甘寫意?
今時今日, 如果我工作效率係甘慢, 老早比人炒左...

問朋友最開心既事, 都係離唔開中學同大學個時同一大班豬朋狗友哈哈笑既日子, 玩通霄, 傾心事, 互相譏諷, 大笑完就開開心心上學去. 現在, 老闆們唔會理會你心入面想咩野, 做事食左幾多死貓, 心入面有幾甘唔開心... blam bla bla... They just don't care! 佢地唔會理, 佢地只會理生意額係點, 你做唔做得野, 做唔到只會鬧, 鬧完只有兩條路, 就係唔撈同死忍條氣撈埋佢.

甘點解甘唔開心, 基本上份工作同自己原先生活有好大出入, 同新識既同事無論工作, 溝通或者文化上都有差異, 有時好難明佢地講既野, 又或者傾計話題上抬唔上咀, 簡單黎講, "講黎陡氣." 而自己工作上一旦唔開心, 求助對象會變左家人, 朋友. 向同事訴苦已經唔係一個proper (政治正確)既渠道, 而大前題係同事們唔會玩辦公室政治去篤你背脊.

唉... 連做清潔既阿嬸都講唔好唉聲嘆氣, 會士氣低落.
但自己何嘗唔係唔想拉高個工作士氣??

Happy weekend

侯思敏@DeptH

職場日記,10-12-2013_辛命記

職場日記
10-10-20113
辛命記



上司們對自己工作的態度同能力有所質疑時, 通常伯打去HR大發雷霆, 問候一下點解會請埋D甘既廢人返黎呀!?
當知道後, 其實心入面瘸咩野憤怒, 反而係心入面多左份傷感. 自己一心一意去做事時, 總會有事不懂去做或者做錯, 好多時自己會好軟弱, 無助同焦慮等等. 自己只係想快D解決問題, 而唔係想製造問題.
食死貓, 已經成日食, 自己又唔想食, 比人話串咀, 難道一出道就要"食死貓" 先可以快高長大?? 我怕未有免疫能力前就比人炒左...

呢排做野真係灰爆...
但每次睇到劉華個手錶廣告之後, 心入面有一種得著, 個種感覺好令人感到平安, 舒服
個種感覺唔係一種年輕既感覺, 佢係一種經歷多年艱辛, 去努力打拼返黎既經驗, 簡單黎講, 昕係"做人既經驗", "人生閱歷", "食夜粥". 呢D人生閱歷唔係一年半載就可以賺到(我地西人俚語係earn 返黎), 而係經年累月不停甘撞板, 不停甘失敗甘學習返黎.

面我呢D八九十後, 經得起既考驗少之又少, 父母已經同自己擋左九成九, 剩低既都係微不足道既小問題, 做好之後, 父母長輩更會瘋狂甘去讚美我地. 到左若干年後, 甘就仆街啦, 野又做唔到, 人又遲到早退甚至玩失蹤, 對公司唔負責任, 因為頂唔順份工既壓力. 而自己都係D 甘既人. 有時都不停甘叫自己努力甘加油落去, 唔知係自己真係蠢, 教極都唔明同唔識, 定係自己本身唔受教. 總之就係自己做唔好, 唔可以賴人地.





永遠都係小時候好, 出到黎做事好多位置會中伏, 做事小心好D.

PS. 劉華今次廣告唔止係賣手錶, 還是賣那些年對比現今成就 (唔敢奢望未來有咩野成就), 只係, 成就係一經年累月甘積累返黎. 廣告善用光影, 文字, 色彩對比舊時以前努力同依家有回復收穫既成果. 整個廣告一個字都冇講過, 只係用背景音樂柔和甘播出, 意在睇個個人有咩野想像就有咩野想, 各有唔同既回憶, 有哭有笑.

侯思敏@DeptH

職場日記,01-10-2013_國慶日

職場日記
01-10-2013
國慶日


是日公眾假期, N甘多人仆出去玩, 同家人情人去行街睇戲食飯... 我亦唔例外, 兒時認定自己係與別不同既我, 今日卻想做一個普普通通既打工仔, 安份守己就算數.

同家人嘆完早茶之後, 自己一支公坎去書店打書釘, 留係CAFE 入面, 一邊睇書, 一邊HEA 住睇風景, 大型冷氣商場入面, 感覺唔到外邊溫度, 空氣係點既樣, 只憑著出面陽光折射入黎個時, 睇住出面天氣係甘風和日麗. 就係甘, 臨時改變主此意, 走一趟西貢搵班朋友度假.

朋友們普遍比我年長幾年, 諗既野當然比我呢個職場新仔仔細好多. 但去到玩時, 我地個個都係play hard, work hard!!

但係, 一坐低食飯, 個個入晒MODE, 開始今日正題, "眼見周圍政治不穩定, 你地有冇諗過移民呀?" 友人一針見血地問.

諗呢樣野之前, 比D資料大家了解下
1. 由肥彭上任後1992 年起, 香港有66,000 人移民海外
2. 平均每年有7-8千人移民離開香港, 美國, 澳洲, 加拿大等國家係首選國家
3. 2013年上半年有3900人移民外國, 最多人移民美國及澳洲
4. 港人移民數字, 明報, 「社會唔同晒」 醫生也移民 22/09/2013

席上全是專職工作人員, 有醫護人只, 社工, 記者, IT... 佢地開始討論邊D國家易入D, 幾多歲有幾多分, 做滿四年工作經驗又有幾多分等等. 而醫生朋友就忿忿不平地講, 我交十幾萬稅比甘既政府, 一星期做成一百個鐘, 點解甘唔公平!!

講到尾, 時代改變左, 香港人情味少左
強國人多左
霸權主義抬頭, 街上只有大型連鎖高鋪, 小店小鋪只可以膝縮一角...
消費主義, 金錢為上, 鬼同你講人情, 客人就自己財大氣粗, 做零售既自然又要死忍爛忍.
依家入到店舖, 都係自己serve 自己多
新官上任, 講一套做一套
民怨沸騰
住屋, 冇屋住; 窮既繼續窮, 香港貧窮人口102萬
和平示威變成比社團人士圍, 更甚既係, 警察當睇唔到

友人想自己既孩子活係一個安全既環境. 我想, 呢個已經係一個好理由離開.

侯思敏@DeptH

P.S.
為上一年海難死者默念 R.I.P.

FYI
http://news.sina.com.hk/news/20130922/-2-3072173/1.html 「社會唔同晒」 醫生也移民
http://hk.apple.nextmedia.com/supplement/special/art/20130921/18431515  逃出香港：移民泡沫潮　走？唔走？
http://hk.news.yahoo.com/%E8%A7%80%E5%A1%98%E5%A4%9A%E6%96%B0%E7%A7%BB%E6%B0%91%E5%85%A8%E6%B8%AF%E6%9C%80%E7%AA%AE-224018427.html 觀塘多新移民全港最窮

職場日記,25092013_錯敗感

職場日記
25092013
錯敗感

自從HEA讀完左書之後, 唔經唔覺投入社會工作成個月, 可以話係社會新丁, 白紙一張, 咩鬼野都唔識.
以前學過既一套模式, 係工作環境入面點都係唔啱使, 做野永遠錯漏百出, 結果唔會係TBB電視劇甘嘻嘻哈哈甘渡過, 而係會連累街坊幫手執手尾. 一旦出錯機會多, 同事們就伯開始埋怨自己, 明明請多左個人, 點解仲要做埋佢個份. 而最傷心係每次見親面, 對方已經認定自己會做漏野, 更拋下一句, "今次唔好再比屎我踩".

當然, 心中有好多不忿.
不過, 作為新仔, 好多人教要聽話唔好駁咀. 但好多時明明唔係自己錯, 食左人地死貓, 自己啖氣真係頂住頂住.
頂唔住就駁咀, 換來既竟然係"表現不滿" 既工作投訴.
士氣一低, 其實做咩野都係唔會再上心.
睇過<<度身訂造旅行團>>都知道, 入面有鄭丹瑞旁白既去旅行既目的就係想了解自己多D. 而節目更講到, 有時SET一D目標係要實際既, 符合期主, 而最重要既係, 心中係要對呢份工作有熱誠, 興趣以及積極參與. 而呢個錯敗感早已令自己氣餒, 心中個團火大減, 愈做愈灰, 到頭來做野更唔上心.

其實, 時下既人都有好多人都係甘.
工作一不如意就唔做, 轉過第二份工作.
久而久之冇份工做得長.
可悲既係, 丟已經想轉工, 更可悲既係, 我已經洗濕晒個頭, 走都走唔到.

但願自己可以克服到呢個難關, 友人
話頭半年工作係最難過既, 過左就會易適應好多.

侯思敏@DeptH

不再回來 逃出香港的留學生

堂前燕：留學生

作者 堂前燕 | 黑眼睛 – 2013年9月19日星期四上午9:58

在機場離境大堂，James拖著行李，他還記得當初家裡決定送他去外國留學時的情景：學校在推廣甚麼母語教學、普通話教學，那個祖籍加拿大魁北克的洋人班主任換成了說得一口純正京片子、在北京師範大學畢業的東北姑娘，本來那門法語課換成了普通話，連每年暑假的遊學團，也由巴黎凱旋門變了北京天安門。

課堂上吟誦的不再是莎士比亞的哈姆雷特或者是Penguin Books的世界名著系列，而變成了司馬光砸缸和曹冲稱象。音樂課也不再唱聖詩而改唱蠟梅處處香的踏雪尋梅。

早熟的他，那時就不明白，甚麼是母語？母親明明是說英語，為甚麼母語是普通話？而在港英時期當過政務官、在香港大學畢業時被港督麥理浩輕輕砸過腦袋開光、更在劍橋大學深造過的母親，一知道這個消息就急忙找來父親商議：都係送去英國好。

十多年後，在新建的機場，電視在播放新聞，在那件印著「家是香港」的襯衣下，日益消瘦的母親正忙著應付包圍她的記者：我地唔需要外國政府提供任何支援―「司長，但係你屋企人都係外國喎」。記者堆裡傳出一陣竊笑，他母親面上一黑：呢啲私人事，唔回應。

這時，電話響起，是剛開完通宵會的母親打來，她語重心長的對他說：「畢咗業，唔好返嚟香港，阿媽過幾年退休返英國同你仲有Daddy團聚。」 

他掛了線，想到母親一個人在香港工作，心裡有點難過，特別是看到那個叫Long Hair的人向著他母親示威叫嚷，What’swrong with him？一想到這裡，他更覺母親的偉大，眼角都不禁濕了。

新聞的畫面轉到正在街頭示威的愛港力，這時他身旁那個操一口英國上流社會牛津腔、暑假陪他來港的洋籍女朋友好奇地問到，這群面目模糊的中國人到底在做甚麼。這個問題卻考起了他，到底應該如何向她解釋愛港力――或者叫作CaringHong Kong Power――這些違反常識的事給她聽呢？

電視上那群示威人潮中，他看到那個在追訪特首的年輕女記者――沒錯，哪怕臉上捱出幾顆青春豆，他仍然記得跟她聊長途電話的每個晚上。電話裡還有她的號碼，他有點想給她發一個WhatsApp，但畢竟已沒有機會再見，還是算了。

而每當看到那個有點像歷史課本裡的Chairman Mao的特首――聽說他正打算在郊野公園起樓―That’shorrible，他不禁想起小時候見過的那個在牛津歷史系畢業、挺著大肚腩經常笑呵呵、還請他吃過蛋撻的母親前上司，然後忍不住嘆一口氣，但摸一摸衫袋裡的英國護照，不期然感到一絲安慰，ThankGod。

堂前燕博客：http://www.facebook.com/r1r.patpat