職場日記,05021014_做仙

職場日記
05021014
做仙

遲來既祝福，祝大家新年快樂，豬籠入水

"仙"，即是英文senior，仙者，即在職年資更長既職員。
之前提過，在職場入面，自己係最細個個小朋友，無論係工作效率，業續上都係新仔，現在已經可以做到少少成績，又上了手，但仍然都要大老細得閑睇下條數，起碼唔使時時刻刻比人睇到實。

最近，多左幾個新人，而小弟我竟然有份帶人，跟仙做野頓時變成成為仙者，亦要教人做野，而自己做事要更為小心，不言比人笑比人鬧事小，份工冇左事大，可知我只係一個小小時薯仔，自己冇雄心壯志去攪大件事，但仲想靠份工吊命生活。

做人真係好諷刺，唔鐘意份工，但要留住份工，為既係緊緊可以糊口既人工，為五斗米而折腰，係香港成日見到。有幾多人為左夢想而放棄現有既工作同生活，放棄一切?? 唔做金融而去揸巴士，唔做律師去澳洲，俄羅斯去流浪，邊個可以下下做到，放棄一切，父母，男女友，朋友，子女，朋友，工作?? 我仲心大心細緊…

祝新年心想事成

侯思敏

職場日記,25092013_錯敗感

職場日記
25092013
錯敗感

自從HEA讀完左書之後, 唔經唔覺投入社會工作成個月, 可以話係社會新丁, 白紙一張, 咩鬼野都唔識.
以前學過既一套模式, 係工作環境入面點都係唔啱使, 做野永遠錯漏百出, 結果唔會係TBB電視劇甘嘻嘻哈哈甘渡過, 而係會連累街坊幫手執手尾. 一旦出錯機會多, 同事們就伯開始埋怨自己, 明明請多左個人, 點解仲要做埋佢個份. 而最傷心係每次見親面, 對方已經認定自己會做漏野, 更拋下一句, "今次唔好再比屎我踩".

當然, 心中有好多不忿.
不過, 作為新仔, 好多人教要聽話唔好駁咀. 但好多時明明唔係自己錯, 食左人地死貓, 自己啖氣真係頂住頂住.
頂唔住就駁咀, 換來既竟然係"表現不滿" 既工作投訴.
士氣一低, 其實做咩野都係唔會再上心.
睇過<<度身訂造旅行團>>都知道, 入面有鄭丹瑞旁白既去旅行既目的就係想了解自己多D. 而節目更講到, 有時SET一D目標係要實際既, 符合期主, 而最重要既係, 心中係要對呢份工作有熱誠, 興趣以及積極參與. 而呢個錯敗感早已令自己氣餒, 心中個團火大減, 愈做愈灰, 到頭來做野更唔上心.

其實, 時下既人都有好多人都係甘.
工作一不如意就唔做, 轉過第二份工作.
久而久之冇份工做得長.
可悲既係, 丟已經想轉工, 更可悲既係, 我已經洗濕晒個頭, 走都走唔到.

但願自己可以克服到呢個難關, 友人
話頭半年工作係最難過既, 過左就會易適應好多.

侯思敏@DeptH