職場日記，06-21-2017_離別

職場日記

06-21-2017

離別

侯思敏

剛剛送走了一位同學

三十未夠

呢個年紀過身

有好多好多好多野未做

人愈大記愈多野都做

又後悔做唔到

有時會埋怨自己點解唔讀好啲書

大個左之後可以不停甘去搵大錢

做大事、做局長、環遊世界

當然，理想與現實總有點差距

甚至可以得出兩個唔同既人生出來

想自己未來做到咩野

真係環睇自己可以堅持到幾耐

同學既離開唔會對我原來既生活構成好大既影響

卻對我影響深遠

RIP

1.21

1.21
Apollo Li
DeptH 財務部經理
/
/
/
/ 「總監，上次行動既財務傷亡報告做好啦，有時間你睇睇......」我拿著報告到總監辦公室，方天聞言仍舊低著頭工作。
「唔，麻煩你啦，一入黎就做單大project！」方天依舊低著頭，兩眼專注著眼前的文件。心想，好在我讀大學時有做保險暑期工，那埋傷亡報告中有一大堆人壽保險及傷亡保險似的文件，花了一些時間才看懂。
「還有事嗎？」方天依家沒有抬起頭。
「那個......部門係唔係要執笠呀？如果係既話我想聞啲走去一去旅行。」我支吾以對地向總監表示。
「旅行？」倒這次方天抬起頭來，盯著我，「你記唔記得你個post 叫咩野名？」
「financial manger」我神氣地秒回。
「全名呢？」方天嘆息地問。
「strategic financial 乜乜 manager?」我又支吾以對，其實我老早忘掉了職位名職，只記得可以調動大量資金作投資及行動經費使用。
「係Strategic and Tactical Financial Coordinator， 如果冇錢時我地可以點做呀？」方天反將我一口。
「開源節流？炒人？」我試答道。
「除左炒人減裝備之外，唔犯法既咩野都可以做，當然阿公係唔會派錢比我地。所以，You have to improvise yourself！所以我希望你記得我點解請你過黎！」方天眼神堅定地望著我。
「了解，長官。」我不曉得為何自由默然生畏地回答著，明明自己是非行動組成員。

1.20 漁人得利

1.20 漁人得利
Samantha Wang
DeptH
/
/
「忙了一整個晚上，累死了...」心想，「那還不是得上位的時候？
昨晚行動慘敗收場，土狼倒要揹上這隻鍋了。
這班臭男人整天都說我是北京派來監視他們，只要我在場，可以幾乎的水不漏的一句話都不用說，甚至一般閒聊都不會與的說，可以說是言語杯葛我。
現在都不知道是好還是壞，那幾個臭男人不是重傷便是殉職了，可能往後日子會過得更好也說不定。
那到我上位時也應找幾個自己的親信才幹，好讓自己在這裡的勢力助大才好。
還好，待處理眼前混亂後，想想如何向北京說服將自己留下來，為北京穿針引線也好，自己也可以步步高陞！
想起來倒樂透。 「咇⋯⋯」手機響起，是總監致電。
「早晨，方總監！找我有事？」要收起興奮的心情，不可以給他知道，尤其是組織剛剛死傷了這麼多人且任務又失敗了。
「哦，沒事，想問問有否給昨晚的事嚇壞呀？」組織總監方天用他的標準腔普通口慰問，但感到他不止送上慰問。
「有一點點啦⋯⋯不過我休閒一天說可以啦，沒關係。」
「其實，你可以放一段長假期，休息休息，養精蓄銳，為下一次行動作準備。」有點不妥？
「總監，這是......」
「鑑於尋晚行動慘敗收場，我們懷疑有內鬼，開會過後決定解散行動組直至另行通知。王小姐你是我們的貴賓，我們也不希望你被捲入這場困局之中，和北京當局協調之後，希望你休息一段時間再回來幫助我們。感謝你在這次危機中幫助我們隊員傷患的安排。我會代你告訴他們你的負出和努力。」 ......方天......你這隻老狐狸！ 「王小姐？你還在嗎？」方天還是自圓其說，「我們會派探員護送你離開香港，以確保你的安全。」 老狐狸，好想所有東西都給他算清了。也罷了，回到北京再從頭來過吧⋯⋯ #上位 #老狐狸 #漁人得利 
#忙 #反恐 #hk #hkig#hongkong #depth #story #storyteller #management #kaitak #oldairport #airport#pier #sea #sky #skyline #skyscrapper#modern #building #history #highway#road #kowloon #free #freedom #island#cruise #

1.19 狩獵

1.19 狩獵
土狼
DeptH 

「到齊人未？」土狼於密密斗貨車改裝的流動指擇作戰室盯著眼前二十四台顯示屏幕，全都改用了紅外線影像模式，而有四個顯示屏顯示目標建築物及周遭環境、建築物前後出入口及指揮車和部隊車輛周圍的熱能成像。為了避免目標走掉及己身安全而設的措施。
「到齊，team A 同E ，仲有三個狙擊手部署緊。」對方經加密無線電回答道。
「四分鐘後take action。注意！今次係生擒所有三個目標。盡量使用非致命武力，仲有，小心對方近距離接觸，可能係前軍事部隊成員。」土狼不敢鬆懈地說。
「非致命武力？即係可以打手打腳啦？」另一個人透過無線電問道，語氣明顯地輕浮，「S1 on position。」
「S2, S3 到位。」三位狙擊手就位。
「Assault team ready。」
「Team Echo stand by。」
「好，Echo 放無人機睇下屋入面情況，守住後門。Team A 前門準備攻入。」
「土狼，有野睇，入面好似唔止三個人，熱能影像show 到好好多人。」Team Echo 一名成員匯報。
「我見到，但情報無講到有其人目標或者人質。」土狼眼見一堆睡著覺的熱能影像，分不清楚是敵是友。「Echo，可唔可以轉成紅外線影像，我想睇清楚啲。」
「OK，我移近啲睇。」所謂走近一點，也是無人機走近一點，過去組織行動組一直有隊員損失，對隊員生命保障更多。
「Action!」屋內有人大叫，接著「轟隆」幾響爆炸自兩個出口炸開，眾人倒下。
「發生咩野事？有冇人答我？」土狼邊在指揮車上大聲問著，邊穿上避彈衣連戰術背心，拿上突擊步槍快速檢查。「Sam，你做in charge，叫支援，十五分鐘後我地冇反應全部人撤退！」
「但...... 豈不是要放棄他們？」北京藉的Samantha 用普通話問土狼。
「對方可能早料我地會黎，一係有內鬼，總之，十五分鐘黎我地冇回覆就全部撒退！This is an order！」
...
土狼帶領著一小隊隊員徒步前往現場，眾人心中忐忑不定。組織行事向來隱密，為何對方知道我們在這裡？為何對方知曉我倒進攻？為何對方有能力干擾甚至破壞我們的通訊系統？該死，現在不是想這些的時候。
救但女緊，分秒必爭，很快他們就快就來到房屋附近，周遭漆黑一片，空氣瀰漫著硝煙火藥的氣味。
土狼及另一名隊員戴上夜視鏡，另外兩名隊員則殿後，四人以二一一組合擎槍緩慢地向前方推進。眾人自到達目的地之後皆不作聲，只是默默跟從。無線電通訊還是沒有任何通話紀錄，不知道各隊員情況。土狼利用間諜衛星拍攝到並比較出事前又出事後的熱能影像得悉附近沒有其他人活動，指派一名隊員離隊，待走離遠後，向房屋發射照明信號彈，再攻入陣地。
可是，在照明彈照耀下房子早已塌下了一大半，A、E隊員全數倒下，只有三兩人回應呼叫。「根本就係埋伏！」A隊家員說，他勉強地企起來，先看看自己身上傷勢後，再查看身旁兩名隊員情況。
土狼身後兩名隊員早已散開，先查看倒塌房屋是否有人，再繞道後方找尋E隊隊員。
「報告，E隊兩死兩傷，傷勢嚴重，要求更附醫療支援！」一名隊員語氣緊張地說著。
「叫總部增援！」另一名隊員說道。
「土狼叫動物園，要求陸空醫療支援！準備叫醒醫院手術室使好準備！有冇人知道幾個狙擊手既情況？」
「S2同S3 WIA, S1 MIA!」離隊的隊員已經找到兩名狙擊手，但S1 卻偏偏找不到。
土狼正在盤算該怎樣去作下一步步處，面對這麼多的傷亡，部隊早已分崩離析，無能力繼續作戰下去。
「媽的！Abort! Mission abort! 」土狼無奈地下了命令。
#mission #abort #fight #story #storyteller#hauszeman #countryside #field#operation #medic #night #troop #intel#information #preparation #assaultcourse#attack #ambush #saikung #hk #hkig#storyboard #hongkong #unit #force #rat#內鬼 #狩獵 #埋伏

1.18 表裡如一

1.18 

表裡如一

侯思敏

人愈大愈多想法要藏在心裡，不能說出來。

很多客人前來咨詢時訴說自己的事，自己卻不能夠向其他人說。不似得外國的電視劇，心理學家會咨詢另一位心理學家，過程中還會不停地、有意無意地透露自己客人面對的問題。

我經常教客人，有人會稱他們為「病人」，甚麼都好，我教他們應保持自己表裡如一，不要經常作出一些令自己不快的事情。但事實上人生如戲，客人經常抱怨自己常常面對這些問題，令到自己心事重重，有時要面對的問題會造成沉重的壓力，令到他們經常不適。看罷醫生又說沒事，只好來找我，但是，有時可以幫助到的人少之又少。經常有研究得出一些藥物或手法治療有助病人減低精神上的壓力，但套用術語，實際治療的操作上往往因爲治療師及病人有不同程度的差異而有不同結果。因此的很多時都要他們「靠自己」去幫助自己去面對問題。

寫日記就是一種方法去敍事，有望當中回看為甚麼會發生這事而從而避免日後再次發生，二來就是當中可以發展一個舒發心中壓力既一個渠道。

但，這次卻是給人看自己的日記......

這幫人在警察手上全數接收在的家搜查的文件、證物、電腦資料等等。他們更聲整個在警務處開啟的檔案移除並讓第二個檔案覆寫過去。他們更有權轉告搜查警員的上司終止案件調查並將其接手。

在這邊這幫人積極地為事件改寫故事，另一邊箱就調查事件背後策劃的動機。他們說這些事不可能給公眾知道，公眾恐慌與公眾知情權「無得比較」。他們表裡如一的宗旨是維持社會秩序而不是維護新聞自由。 「我地一路都只做同一樣野，其他都係掩飾。拜託，如果比人知道我地組織身分，無論無國際社會定係香港社會都會好亂，無謂令社會恐慌。一旦暴光，中英及香港政府都唔會承認我地。算啦，我地從來都係單打獨鬥、冇人back up，只會默默地同佢地拆炸彈咋。呢個就係我地AIA既悲歌。」一位資深長官道。

我想了一會，想拒絕加入組織，然而，那是位長官卻說：「人人都可以唔做，你冇得揀，你係Houseman 後人，你要負呢個責任。」

「下？」我呆了。

「侯柏賢從來冇同你講過咩？佢同你阿哥都係AIA成員，侯柏賢仲係7位houseman 之一。」

我有點慌亂，我沒再回應，一個是沒見差不多二十年既人，是生是死皆不知道，母親也不知道他的去向，只有定期存款到母親戶口而已。直到母親去世前兩年才停止，母親開始亂想他是否出事，自此大病不起。

而我不知道我有個哥哥，母親過世前也沒有告訴我。可能我只係私生子而已。但不對，他們兩有結婚證書，唉！好亂！

做人根本很難做到表裡如一，我想做到忠於自己便可，我不想做到那些每天都撑著身子去工作卻靈魂不在的人。這樣活下去會很痛苦。還是童年好，爸媽皆在的時候憂無慮。

#表裡如一 #組織 #AIA #company #organisation #houseman #housemann #brother #honor #香港 #政府 #英國 #承認 #侯思敏 #侯柏賢 #hk #hkig #story #storytelling #life

1.17 狐狸先生幾多點 ......

8/2/2017

1.17 狐狸先生幾多點 ......

「狐狸先生幾多點？」

「兩點！」

...... ......

「我見到自己係架車入面，同幾個人一齊，但啲人我都唔識......」少女躺在大班椅試，整身抖顫著，手輕輕地捉著母親的手。母親被告知盡量不要去騷擾女兒，只要陪著即可。

「試下形容一下架的士係咩野顏色？有冇見到個車牌？」侯思敏試著提問。

「的士係綠色。太黑啦，我睇唔到車牌全部號碼，只見到HG兩個英文字母。」少女說道。

「形容一下同車既人？」侯思敏追問，語調卻很溫和。

「佢地三個男人，全部人講啲我聽唔明既話，但說對住我講英文。佢地其中兩個人食煙，啲煙好臭，好係甘咳。佢地有打開窗，似係比我透氣，但無論我點大聲叫，佢地都無意阻止我，我叫左幾聲後說停止左。」

「有無係車內聽到其他聲音？你認唔認得佢地講咩野話？」

「當時我好驚... 真係好驚... 我記唔起吵！」少女提高聲線，捉緊著母親的手。母親欲叫停卻被侯侯敏提手示意阻止。

「好，我請你食雪糕，係的士入面噴啲玫瑰花味既空氣清新劑，你喜歡既氣味。的士停左啦，你地落車，見到啲咩野？」

「一間房屋，好舊既房屋。」

「試下形容一下佢幾多層？用咩野材料造？屋頂有冇公仔或數字之類？」

「好黑，睇得唔清楚。入左圍牆之後，有一間兩層既房屋，好似係石屎造，屋頂有四個數字，好似係1932。」

有人遞了一張小字條給侯思敏。

「好好，房屋內外有冇金屬器皿或者通訊設施？」侯思敏看罷字條後提問。

「有... 有呀⋯⋯ 有一隻飛碟形狀既設施。」少女回答道。

侯思敏回頭望著遞試字條的男人。男人點頭。

侯思敏雙手放在少女雙手上，仍示意母親不要作反應。侯思敏開始輕微地震動大班椅，並說，「小雪，前方有警車來到，佢地反捉班壞人，有一位女警向你招手，你向佢方向跑，佢會救你。」

「唔得呀，我好攰呀！我冇力跑。」小雪有點兒放棄。

「跑呀！仲差小小咋！向前跑！佢地會保護你呀！跑向佢地度，差少少咋！」侯思敏聲響加強，半帶鼓勵半帶命令。 「仲差少少咋...... 捉到啦！我捉到佢隻手啦！」小雪興奮地說著。

此時侯思敏突然大力地搖晃大班椅，嚇得小雪母親怪叫一聲，即使是前已提示不要亂動怪叫，她仍是受點驚嚇叫粥出來。

小雪連人帶椅被向後推倒，她失了重心，也驚醒過來。

「小雪，唔使怕，警察同你媽咪都係度，你依家她安全呀啦！」一名事前安排、身穿整齊軍裝制度的女警員跪下來，扶起小雪。

小雪緊緊地擁抱著女警，女警很是入戲地安慰她，「妹妹，警察姐姐係度保護你，你唔使怕呀，我同你媽咪帶走返屋企好唔好呀？」

小雪點點頭，慢慢撐著起身，由母親及女警陪伴著離開房間。

待她們走後，侯思敏將大班椅抬起放回原位。

「點解要搖知細路女呀？呢一下她似她多餘。」到了男人發言，似乎他不明白箇中原因。

「我比啲trigger佢，令佢想相信我催眠入面改左既內容係真既，頭先突然搖醒佢，感覺真實啲，口講同眼睇到既都係女警，令佢相信多啲。」侯思敏解釋說，「再講，呢啲野記得愈朦朧愈好，佢會知發生咩野事，係帶創傷，但路會成日記住同想起，呢個係我既工作，順便做埋。」

「我好似帶授權叫你甘做。」

「你想知既野應該夠用既。」我試著打開手提電腦連線上網，找回新界郊區特色建築，加上建築年份1932年，不一會便找到西貢海夏路附近帶一座建築物附合特徵。「Bingo！」男人望著我，既驚且喜。

「根據呢個郊遊行山網站所描述既location 同埋相片既各種建築特色都同小雪形容既好似，網頁係四年前寫既。」侯思敏若有所思。

「似就得啦，我叫返個女仔黎問附次。」男人說罷準備開門去追上小雪似的。

「甘又唔使，用返你地既老本行。」侯思敏笑著說。

「咩野呀？」

「今晚，你地用間諜衛星對海夏路一帶進行熱能及無線電通訊既掃描，夜晚呢一帶唔會有好多人，佢地識揀啲甘人煙稀少既地方，就係唔想比人知佢地藏身地點，只係佢地萬萬都估唔到我地會出動衛星去掃描佢地者。喂！呢啲野係你地既工作範疇，我幫到係甘多，走先，拜拜！」侯思敏解釋完便欠身拉門，準備離開。

「世侄，呀⋯⋯唔該晒，我想問......阿......你出入小心啲，畢竟依家你冇探員保護。」男人說話開始失去自信。

「得啦，uncle，冇事啊。」

「你都係叫返我狐狸。」男人堅持在組織內使用名號而不用真名。

「甘bye bye la uncle fox。」侯思敏笑著離開組織DeptH。

#故事 #story #storyteller #cartoon #storyboard #draw #grafitti #psychology #psychotherapy #counselling #hyptonic #investigation #hk #hkig #hauszeman #traffic #taxi #men #road #countryside #saikung

1.16

22/1/2017 香港

1.16

Apollo Li 「Apollo Li，係，係，哦好呀，做到，要幾多？10M，幾時要？盡做，唔夠搵cover填補，好，遲啲見。」

「喂，你同邊個講電話？講到條數甘大既？」Charles 從門外伸頭進來窺探。

Apollo 剛掛掉電話，並回應Charles，「哦？你未還晒上次啲欠款，我唔會還返啲股份比你，除比你還比我先！」

「我唔係甘既意思，我係指，你成日都接呢呢甘大交易額既客個呀？」Charles 追問。

「唔多呀？多咩？」

「吓？！10M甘上！」

「例行公事。」說罷疊好一堆文件準備離開辦公室。

「我都係做左五年先handle 度甘大筆錢。」Charles 欠身讓Apollo 離開辦公室，並跟隨其後，「過一兩個客比我呀？我......呢個月唔係好夠quota呀⋯⋯」

「我介紹其他客比你，呢個唔得，仲有，做堆呢個月我唔做啦。」說話的音調仍是低沉，沒有絲毫興奮的一刻。

「吓？！你就甘想走？又攞走我啲股份唔還？想點呀？」Charles 既驚又恐地說。

「你還錢，我還股份，同我係唔係度冇關係。」

「甘你去邊度做呀？」Charles 無奈地問。

「未知，得閑飲茶，我要同個客去開會。」就這樣，Apollo 一枝箭的衝入升降機，升降機門隨即緊閉。

Apollo 知道自己平時生活隨便且口不擇言，卻對這件事隻字不提。

到了停車場，走到自己的座駕，開門，將所有開會文件放入車廂內，慢慢坐下來。拿出手提電話，撥給一個人，接通了對方，並說，「下個月可以過黎幫手。」

「其實真係哈使過黎，你可以繼續做你份工。」

「我全權負責你部門經費同營運，仲要自己一手一腳去搵而哈係自負盈虧！我知人工會比出面少一截，但你開呢個offer 比我時我已經好認真甘諗過！所以我先答應你去做。」Apollo 認真地回認道。

「好，你知道我地全職同事工作有幾辛苦嗎？有機會比人追查資金來源，亦要令你呢一個金融才俊從此寂寂無名，你願意嗎？」

「我願意。」花花公子Apollo 第一次我願意就這樣獻出去。

「歡迎加入DeptH。」 #hk # HKig #story #shortstory #night #sky #light #skyscrpers #tree #join #resign #finance #run #operation #dept #department #Apollo #apolloli  #depth

1.15 關係

14/1/2017 HK

1.15

關係

方天豪 大學生

人際關係是一門可以進修的科目

包括談戀愛在內，很多從前不能夠透過上課的話題現正都可以修讀上

如何談戀愛、人際關係、面對客戶或群體諸多要求

如何訓練自己各種智商如IQ, EQ, AQ等「乜Q」現在皆可以訓練到

那麼，為何社會上還會有這麼多問題呢？

......

「先生，既然你有咩多問題，不如落返黎先再講啦，一定有辦法拆店佢既，係咪？」一名軍裝警長正在小心翼翼地勸導危站在高樓天台石屎圍牆上的方天豪。警長與其他警察分散四周作包圍網圍住方天豪。消防處開始為逃生氣墊充氣。方天豪正在惆悵著甚樣辦才好。此時，三名身穿黑西裝的男人從天台逃生通道走出來，為首的的中年男人沒有理會警察封鎖線，直接走近方天豪，一位戴眼鏡的男子向警員展示証件，並向最年輕的男子示意留心觀察。

「我係黎幫你既。」中年男子走近，示意警長接手，方天豪看到男子頭髮黑中帶有花白，數條眼尾狀告訴他此人經歷了多年風霜。

「你點幫呀？你咪又係黎拉我返封坐監？」方天豪高呼著。

「世侄，你記唔記得uncle Joe 話會幫你嗎？天下間甘多個女仔，人地唔鐘意你者，搵過第二個囉！無謂為左一棵樹面放棄成個森林呀？對嗎？」

「但佢知唔知我做過咩野事呀？佢會唔會保住我呀？」

「會，所以咪搵我地黎幫你，你落黎先，佢打黎搵你呀，你聽左電話先。」男子拿著手提電話遞給方天豪。

方天豪接聽，「喂uncle Joe，係，我真係鐘意佢呀，佢有話過鐘意我呀！真係呀！你話呀！你會幫我呀！好，我跟佢走。唔該晒uncle Joe。」聽罷後，方天豪慢慢走下天台圍牆，交還手機給男子，但男子收起笑容，手証早已戴証乳膠手套，直接幾手提電話放入透明膠袋內。

警察們一窩蜂擁上捉住方天豪並戴上手銬。

「你又話會幫我呀？講大話！」方天豪大吼著。

「我同uncle Joe都係想幫你，只要你唔死，上到法庭打官司咪可以囉，唔使玩跳樓甘大龍鳳呀！」男子回應道。「世侄，你今次玩大左，個女仔仲做緊手術，如果佢捱唔住，你個班叔父點保都保你唔到！返去同你律師講減刑仲好啦！」

「我唔要坐監呀！」方天豪被買個警員抬走，其他人跟隨其後，天台頓時剩下三個人。

最年輕的說，「非法禁錮、強姦、嚴重傷害他人身體，隨時會變做謀殺，點保呀？」

「侯思敏，你話呢個？」戴眼鏡的男子拿出自己手提電話，播放著方天豪伺服器找刑的影片，影片中方天豪不只一次同類案件。

「之前有人做了工夫，令受害人改了口供、証人失憶等案件不了了之。今次要我地出手，覺得好似幫有錢人做野甘，手腳污漕，嘔心。」侯思敏望著灰白的天空說。

「受人錢財，我地同意保佢條命，冇話唔告佢，且我地擁有比警方更強的證據，留起來，可能日後有用都唔出奇。人老啦，上唔上前線，咪同啲細搵下談判籌碼，改善我地同其他既關係。」

「下？！」年輕人感到不惑。

「遲啲你就明呀啦，小朋友。我地係時候返去，走吧。」

說罷三人離開天台，臨行前年輕人再回望一次自由的天空。

#天台 #天空 #保護 #拯救 #罪惡 #對與錯 #西裝 #故事 #藍 #Skyscraper #sky #blue #clear #building #free #freedom #day #hk #hongkong #hkig #story

1.14 新世界

09/01/2017 HK

1.14 新世界

高子健 

警務處 港島總區重案組 警員 「署長，呢次係唔係恐襲襲擊事件？」

「對於警方現有裝備無法抵擋恐怖分子既火力，你地會唔會購買更多致命性武器？」

「會唔會搵解放軍幫手接管香港既執法單位？」

「香港政府係唔係管治不力？」

...... 連日來新聞媒體報導近日的襲擊案件，事件引起公眾恐慌。事件中兩架遭到一群矇面槍手襲擊，造成八死兩傷的慘況。

從報告得知，事發後鑑證科、軍械法證課、爆炸品處理課、政府化驗所法證科同事發現大量火藥及彈道痕跡，由多角度射向兩架警察衝鋒車。

不，按照報告所說應該是兩架armed（全副武裝）的衝鋒車。

可笑的是報告卻沒有說明衝鋒車的車牌、車輛駐守警署、警員所屬警署及部門甚至車上有沒有其他人等均一字不提。報告署名由一位沒有職級及警員編號的警員撰寫，在警隊中壓根兒沒有這個人。這是甚麼鬼報告，根本叫人無從入手。

這時，林潔文走進來，又是與以往一樣，拿走了我們所有同事千辛萬苦從零開始搜查兇來的成果，一個人去領功。

難怪短短幾年從刑事情報科警員已爬升至高級督察。同事間很多人流言蜚語，就他的不是，忘本、出賣同袍、自私自利、貪婪......

更有同事想出查出他出錯或者出賣同袍的證據，可惜他們查不到任何東西，沒有人拿到他把柄。

林潔文回來後一言不發地走進自己辦公室，關門，落下百葉簾。

未幾，張警司連同鄰組的馬督察走進來，說罷：「林sir會由依家起調去學堂幫手，其間馬sir 會lead 埋呢一組。而呢單case 保安部會查。你地繼續馬照跑舞照跳就得啦。」

「甚麼？！」警長文叔似被嚇了一嚇。

「下？查得甘辛苦，又比保安科搶晒功勞呀？」同事肥仔文拍枱叫囂著。

豈料林潔文用不溫不火的聲音回應：「甘死左個八個伙記係唔係要多謝你呀肥仔文啲功勞？」

全場啞雀無聲，無人知道林潔文何時把房門打開。他雙手捧著一個紙箱走出工作間，將剩下的工作交給鄰組的馬sir，看著他意氣風發與林sir的撲克牌表情兩個極端。

林sir交代了就隨著張警司離開而消失。

有人說林sir 掉下手足自己上位，有人說他得罪張警司給人權力架空，比低自己一級的下屬吃裡扒外，更有人說死掉的是他的好朋友之類云云⋯⋯沒有人證明到。

此後我們會否再見呢？

#short #story #board #life #hongkong #hk #role #police #relocation #case

1.13 我的舞台

23/12/2016 香港

1.13  我的舞台

Apollo Li 

基金經理

「Bi... bi...」手機響起。

躺在床上，翻了身，伸手探索，找到旁邊小櫃上的手機，手機仍在響。拿起來看，動作仍是散漫，是工作上伙伴Brian來電，再看看時間，電話顯示早上八時十一分。我按鍵接聽：「肥仔，仲未開市，不要找我麻煩好嗎？」坐起身來，凝望著床上仍在昏睡的她。

Brian大叫：「大佬呀？你知今日聯儲局商討加息，全世界係度開緊會，得你一個仲未返黎咋，快啲死返黎開啦！」

我邊穿回昨晚的衣服邊回應：「好啦好啦，我十分鐘後到。」她仍舊睡著，全身一絲不掛被一張被蓋著。

「你又找女過夜呀？她心你玩還玩，唔她呢個緊張關頭玩啦⋯⋯」我直接掛線。穿上西裝褸，打上領帶，走到廁所作簡便的。從銀包上拿出數張鈔票，放在女方櫃上，用女方手機壓著，吻下女方臉頰，轉身便離開房間。

我快步離開酒店，橫過馬路，走過對面馬路的商業大廈，大廈保安員全哥開門道：「早晨呀！張先生，你尋日同今日一樣甘靚仔。」說罷手指點點著我身上仍穿著尋天的西裝，給他認出。我苦笑，聳聳肩便走望大廈，返回四十一樓的辦公室。

被四面透明玻璃包圍的會議室空無一人，眾人卻在工作間圍著電腦閱讀各類數據，沒人留意我。

「快啲想辦法，係加息前搶先換貨，個客係甘嘈！」連大老闆吳先生也返回辦公室，自來背後老闆不是買多了，就是買錯了股權產品，現在在股市開市前試圖改變局面。

聽罷，有人根據加息前數據買入了很多有時限的股票，且使用槓桿原理操作，使帳面虧蝕比例大增。

「即時斬倉蝕幾多呀？」我從一片混亂中提問，聲調剛好讓老闆聽到。

「60%，大約3500萬。」吳先生低著頭道，眾人停下來不語。

「幾時到期？」我依然溫漫地問。

「聽日。」

「唉！」我長嘆一聲，表示有人不理會聯署加息警告，硬要買入股票、或者是有人想乘加息前短時間內加碼賺一筆，卻「老貓燒鬚」失手慘蝕收場。

「手腳就斷左啦，止左血先，係黃金同外匯度補返。」我回應，再問：「客人幾時要筆錢？」

吳先生爽快地答：「除夕前。」剩下六日，扣下聖誕節假期，加上投資者假後無意慾投資入市......

我走入會議室，示意吳先生內進，關門後與吳先生背著大家並問：「Charles, 係你定係個客？」其間音調沒有刻意改變，旨在不想讓同事知道。

「唉...」短嘆一聲，「你知我有兩頭住家，大個個管住條數，細個個又要買呢樣買個樣，今次仲要買樓，你知依家啲樓幾貴啦，成千萬一個單位，點比呀？」Charles 聲線帶點激動地說。

「冷靜啲。你想比出面啲人睇住？係你定客啲錢？」

「個客咪係我老婆囉！」

「嘩...」仍舊表現冷靜，「你想死都唔係甘？」

「唔係甘點呀，要有錢先可以變到錢出黎呀！」

「冷靜冷靜！你照同你老婆講蝕左，之後用你同我筆bonus 扣個差價，再大筆轉買外匯基金，保住你個整先。」

「你有甘好死？」Charles 瞪大眼睛望著我。

「唔係第一次啦，不過你要控制一下個小三，佢下下甘擺你上神台法，我怕比部印鈔機你都唔夠用！」

「唉...我都唔想呀⋯⋯」

「學我甘做隻無腳既雀仔，加埋5%公司股份做抵押。」

「你不如殺左我啦！比老婆知道又係殺左我！」

「還左錢咪比你。就甘話，任務完成。收工。回家訓覺！」我拉開會議室玻璃大門，溜出正想離開

「喂！朝早九點就話訓教？」Charles 咆哮。

「哦⋯⋯甘我返我間房等放工，OK?」

關上房門後，打開電腦，登上各大股票系統，又是回到自己舞台的時候。

#故事 #人生 #舞台 #工作 #問題 #解決 #香港 #hongkong #hk #stage #play #live #life #roleplay #role #story #teller