職場日記
02202014
失眠
侯思敏
一場大病，足足請左兩星期大假，所有project 要handover 比其他同事。而我就好唔放心甘交低晒我所有客仔比同事，眼睇住啱啱上手既project 交晒比人，心有不甘，仲要十萬個飲恨…
呢兩星期將自己困住，天氣時好時壞，再加上身體唔好，好難集中到精神。基本上我整整兩星期係白過活既，心中有千千萬萬樣狗屎垃圾要做，卻整個人提不起勁。無奈，心入面只是不停甘想緊人地點食晒我個project，復工後又要重新去做過project 重新去揾客人，搵target 去做，同期同事中自己已經唔係好店，依家仲要大比數比人拋離，心中只有怨恨，同事…是否可以共患難就係睇呢啲時間，哈，個真一個都冇，係面書上機械式既問候都冇。苦笑…現實從來都是殘酷，沒有有會同情自己既遭遇，人地只會取笑自己，再冷手執個熱煎堆，只會攞著數。哈哈…再苦笑，回想起第一堂係大學入面講師既話，"Trust no one!"(任何人都信唔過)
依家，凝望住牆上既電子鐘，04:08am…
我想今晚係第幾晚失眠?
苦笑著，我倒序係度諗咩野?
做一份人眼中好既工卻做得唔開心。
坐在家中，卻不停甘上網攪工，而唔係問同事個公司啲野做成點。
心入而只有灰熊熊一片既森林，從前係青葱翠綠呀，現在好似比山火燒光燒淨，只有灰燼…
心靈，身體，腦筋都唔健康…
難道又好似尋日甘天光先訓?
有誰共鳴?
