搵著數

對比下, 點解半島做SPONSOR?

明哥：唔好怪責佢地

浸會大學多個學生組織向良心小店北河燒臘飯店埋手「搵贊助」，引起公眾反感。北河燒臘飯店老闆明哥今早得悉事件後，表示：「我冇怪責佢哋，希望大家都唔好鬧。」

據明哥透露，最初只有一批浸大學生遊說他贊助活動，後來陸陸續續有浸大生前來尋求贊助，「佢哋都有解釋活動係做乜」。明哥說，每次贊助小食成本數百元，「佢哋學生冇乜其他意思，贊助下啲後生仔等佢哋開開心心，希望將來會貢獻社會。」

至於這批學生是否知道明哥的飯店向來協助低下階層，明哥表示：「應該知啦。」明哥表示，個人不介意贊助學生，但亦認同有義工指出，飯店資源應該用作支援更需援手的低下階層，大學生應另覓贊助。

明哥表示，今日已有浸大生主動聯絡他，希望可以參與義工活動。他呼籲大眾「唔使咁敵對性對待呢班學生」，期望讓學生「參加我哋行動，體驗低下層生活，慢慢將佢哋帶入愛心行列」。

總是有人搶先一步

著: 強@DeptH

人總是後知後覺，又或者裊被動，好多時想等機會到既時候就上前表白，點知臨埋門一腳比人搶先一步，比人捷足先登。

立時心入面蒲出好多個念。

那到底仲追唔追求好呢？

友人Ａ比較shy一點，認識新朋友比較慢熱，又唔太識得去表達，故此，當遇上心儀既對象時，往往比較難以去向心儀既對象表白，更慘既係，對方係唔止一人同時追求，這個成為了朋友Ａ既一道大難題：係有心儀對象下，如何示意是好？

這個係一個令人頭痛既問題。太快示愛追求，並唔係人人皆受落，有時過於急進，令到對方害怕，導致失敗收場。太慢又唔好，其他＂競爭對手＂並不會停下來等你來一個公平的競爭較量，對方亦唔會只係乖乖地等你一個人，同時想增加自己既魅力去吸引更多既人。自己動作一慢，心儀既對象甘就被人搶走了。

那到底咩野時間才是一個好既Timing?

其實，要留意幾項事情。

１。先起底（抱歉用呢個詞彙，如果對方係有另一半既，下面既文章唔使睇），確保對方係單身，且，最好睇下有咩野質數既競爭對手，對手勁，意味住你要花多Ｄ功夫啦。

２。對方是否對自己有好感，先有好感，才有進一步發展。

３。好感之後就有少少行曖昧既關係，係呢段時間最緊要，往往係呢段時間急於向對方表白。低係，最好就唔好太急進，欲速則不達，最好碘一星兩星期保持呢個曖昧關係。

４。暗示 + flirting. 程度由漫不經心慢慢成認真mode，最好比人睇到你既真誠既樣子，用心圯追求對方，而唔係比人地睇個樣係＂我仲有好多人要追呀，你唔受我追第二個啦＂，最受人討厭係有兩種人，追唔到周圍唱，同埋唔放膽去追。呢兩種人被討厭既性質唔同，前者口臭賤格唔使講，後者拖泥帶水，人地又唔會同情自己。所以朋友Ａ個單野，只可以同佢講，改改優柔寡斷既性格先。

PS. Good Luck Mr. A

笑話。近況

根據非正式統計，香港人係虐畜最嚴重既地區之一，佢地經常殘酷地對待動物，尤其對貓最嚴重，對待貓隻凶殘，以食貓隻等最為嚴重，稱為＂食死貓＂。市民對此現象反應普遍感到冷淡。

講真，其實唔好笑...

近來轉左工作環境，Workload大左好多，工作透支，仲要比人話，＂你地同一間公司呀，應該識做啦！＂當然，明顯地我係唔熟新場既工作，又布成年冇做過份工，差唔多要重新黎過適應，同樣既工作，workload以倍數上升。

死貓，食唔少。
工作，照做。
只係，心情，差透了，有ＭＯＯＤ做先奇
人咪變左愈來愈燥。
唉！共勉之...
不過誰人會同我一樣甘折墮呢？

侯思敏, 頂住呀!!!