我地可以點?

強@DeptH

又到聖誕

平安夜, 失身夜

姑勿論讀者係教友, 高登人士或者兩樣都唔係

有時候, 有些事情自己會愈睇愈化

點解?

我老囉, 又或者佬囉...

細細個時仲係小學雞時, 個個男同學恨有個女朋友可以拖出黎晒命

仲會久唔久問下幾時失身

會唔會係平安之夜交出第一次

大個左去左外國讀書

風氣180度轉變

係除左平安之夜做少一次半次去出去玩多D外

幾乎個個星期都去攪野

為何個時冇人會諗過出事?

我依家回想... 係喎!!

冇出事算大命!!

讀完個爛鬼野雞大學

返黎香港

識女仔同外國係一樣

只不過港女 (侯思敏按: 你想我地個BLOG 比人炸??) 大多勢利, 見錢開眼

往往以為自己貴妃娘娘上身

咩野都係男人包晒

好笑係, 原來香港文化係甘

係中國, 韓國甚至台灣都有服兵役

個個都操到FIT 既身型

唯獨香港既兵役係可以甘伏...

兵只會愈來愈窮

港女只會日益壯大

面對呢個場面

除左去LKF之外

我都係食花生睇戲算

又或者望下另外兩位獨男L同思敏 (答: 冇)有冇興趣加入服役

Anyway, 作為一隻鬼仔

聖誕係普天同慶既日子

應該開開心心甘度過

而唔係被人行用作其他用途

好似鳩嗚推廣, 大減價, 用黎失身之類

眼見香港甘亂

係唔係應該返去?

祝聖誕節快樂 

圖: 侯思敏

instagram,11-02-2014_應當一無掛慮

心想，"應當一無掛慮"，一個人由由上環，行到半山再行去中環搭船過海，到尖沙咀，再行到佐敦，搭地鐵到太古城，腦裡一片空白，胸口十分痛，整天唔想說話，避開所有人，心想，我定有解決問題既辦法。但，其實自己真係好渺小，真係好冇用… 

When reading a banner "Be careful for nothing" from phillipian 4:6. I believe I can handle the problems for myself. However, bad things happens and cannot be solved, even I have walkthrough half of Hong Kong island and Tsim Sha Tsui area. I am weak, I am useless... 

#應當一無掛慮 #上環 #中環 #半山 #太古城 #佐敦 #船 #碼頭 #摩天輪 #維港 #煩惱 #problem #burden #becarefulfornothing #phillipian #bible #worry #taikoo #central #sheungwan #Jordan #tst #tsimshatsui #pier #ferry #wheel #sunset #victoria #harbour #sky #skyscrapers #chest #pain #depression #depressed #stress #stressful

FYI: 應當一無掛慮 出自新約聖經腓立比書4:6

讀書會。留下士多

一本好有兒時風味既書，自己剛剛係Ｙ世代既人，見証時代巨輪不停地轉動著，有好多野老實講係好難保留到落黎，除左政府同地產商一齊推高個市之外，個人地認為自己都應有責任去保留一切美好既事。

書本正正食到我個年代，睇住時代慢慢改變，新一代既取代舊一代，有時望住佢地唔保留應有既傳統時，難免有點傷感。現在，我們應該守護住剩下僅有既回憶。

二來，讀畢小說後，心中感觸，香港人與人之間關係其實愈來愈疏離。手機程式搖距溝通，文字，圖片甚至影片都好容易傳遞到對方既手機上，卻唔面對面傾計，到真正見面時啞口無言。

三來，本小說係廣播劇改編，閣下可以去書店打書釘（我鐘意睇書多Ｄ）亦可以收聽youtube 既廣播劇。

最後最後，留住士多，留住既更係人與人之間既情感。

侯思敏

＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞

《留下士多》
作者 黃天頤, 柏原太賀
出版社 今日出版
ISBN 9789881300966

本年度香港電台的年輕廣播劇延伸，一本有聲有字的書，細說樓下士多的所見所聞。

跑到樓下士多買零食、找同伴是不少從前屋邨小朋友的寫照。時代變了，士多一間一間消失，當中的人情味好像已一去不返。

家程與可兒原是街坊戲稱的「神鵰俠侶」，但今時今日，青梅竹馬還是否存在？衝出屋邨，成為大人，他倆各自遇上工作伙伴。究竟這給予兩人的感情什麼啟示呢？

家程的父親---Henry為何跟太太分開呢？而那次分居，除了叫Henry後悔外，竟然造就了家程的那段感情？

樓下士多老闆和招財狗小白看在眼內，又是怎樣的故事呢？ 横跨兩代的感情線，圍著樓下士多、鄰居、同事及香港，來一次交會。










＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞＞

香港電台第二台Gimme 5重點廣播劇 許廷鏗鄭俊弘黃天頤傾情聲演留下士多

發稿日期：2014-06-06

  今年夏天，香港電台第二台「Gimme 5」推出重點廣播劇「留下士多」，帶領聽眾重拾昔日屋邨小孩「落街」到士多買零食和「留下」的成長故事。「留下士多」邀得兩位唱得之人許廷鏗、鄭俊弘聯同「Gimme 5」當家女主持黃天頤聲演精彩內容。他們日前更親身到經營了逾四十年的傳統士多拍攝劇照。創作「留下士多」劇本及主演的黃天頤很感激百忙抽空演出的許廷鏗、鄭俊弘和張紋嘉，並對他們的用心演繹而感動。同時，得到二台上下的支持，如嘉嘉、曾志豪、貴花田及Gimme 5總動員的合作，讓這個由她首次策劃的廣播劇得以順利誕生。

   「留下士多」廣播劇故事講述：在屋邨長大的家程（許廷鏗飾）與可兒（黃天頤飾）被街坊戲稱「神鵰俠侶」。童年時，他們喜歡在士多買零食和吃喝，因而改了「方包」和「蝦條」兩別名。十二年前一件事令家程流下男兒淚，他告訴可兒自己感到很害怕。可兒最初以為是士多店內的招財狗小白嚇怕了他，後來才知道家裡沒有了女人，整個家就會散了。可兒為了安慰家程，毅然承諾做他家中的「女人」。

     長大成人後，青梅竹馬的家程與可兒已衝出屋邨，各自發展事業，他們分別遇上工作伙伴阿芝（張紋嘉飾）及Mike (鄭俊弘飾），究竟這又為兩人的感情帶來了什麼啟示呢？而家程的父親---Henry（Eric飾）當年為何會跟太太分開呢？神秘網友Vivian（何嘉麗飾）、可兒母親（貴花田飾）、福記士多老闆福伯（曾志豪飾）和招財狗小白（波盛飾）看在眼內又是什麼樣的故事？

     「Gimme 5 夏日劇場」─「留下士多」主題曲「約誓」由許廷鏗及黃天頤主唱。十一集廣播劇「留下士多」於六月三日起，逢星期二、五，下午五時至七時，在香港電台第二台(FM94.8-96.9)的「Gimme 5」節目時段內播出。大眾亦可於港台網站（radio2.rthk.hk）收聽直播及重溫節目內容。

許廷鏗與鄭俊弘充滿童真，在士多與Gimme 5主持黃天頤錄劇後,不忘「留下士多」玩。

智慧型手機世代的沉痛反思 - 抬頭看世界

請各位花5分鐘時間睇睇現在世界...



FYI: http://forgetfulbc.blogspot.com/2014/05/lookup.html

候思敏日記，21/08/2014_旅行的意義

旅行的意義
21/08/2014
候思敏@DeptH

經常問著自己，點解要去旅行?每次自己只是找個藉口『只想離開香港』、『想睇多啲個世界』。原來，係睇清楚同認識自己。

今次先發現自己係幾咁無知，無情，自私。如此既陌生。本來想了解自己多啲，卻換來了解自己醜醜既地方。

一個旅途，有一個人，兩個人，有團體等不同組合。每個組合皆有唔同性質，去既時候感覺都唔同。今次團體成團去旅行，卻被我從中破壞，可見於自己出於嫉妒、自卑、恐懼和自私心作祟。

首先，我得承認自己係一個自私既三八蛋，是次旅行係要撮合一男一女，卻被我從中破壞。自己以路人甲身份去睇好戲，事件發展，就以let it happen 既心態去做卻不阻止件事發生，件事差一點唔能夠收科。Let it happen黎睇結局，冇時會感到自己既醜陋。點解件事可以發展到咁既樣？可能我怕事，可能我唔想做。我害怕。

其次，同友人熱話時冇大冇細，比人唔尊重感覺。朋友留下唔好印象不特止，全team 人都留下唔好印象，留係度人地只會覺得你有篤眼篤鼻同憎恨既感覺，冇其他。

有時，我也唔知道自己想做啲咩野，要咩野，整個旅程我跟係路人甲。我沒有歸屬感。自己只會做壞事，心態如麻。

依家如果有人問我此刻對整個旅程心情如何？我會答旅程一流，但我心情差透了。但願自己從未參與過。

結論，旅行令我了解自己，知道自己係一個自私同自卑鬼，不尊重人既家伙。

旅行既意義就是為左令人成長，卻不快樂…

一個可能?可能係一個幻覺…

一個可能? 可能係一個幻覺…
19/8/2014
台灣
强@DeptH

曾幾何時，我想追求一個女仔，時地人都準備好時，準備係晚飯時表白，女方突然問到:『有冇book枱訂位呀？』
我冇book到，諗住閑日夜晚呢個concept唔會多人冇留枱。女邊發惡話冇心情去。件事就咁攪亂左，一個『可能』就咁流產左…

故事唔係想話女方，想講既係，男人自己冇責任去做每一樣野，若要成功，每一步都應該打必勝既仗。要嬴人先要贏自己。冇表白到，好似比左次機會自己再諗多次，我冇有可能有機會，佢又有冇可能接受我，而個關係可唔可以維持落去…？？連串問題反問自己，再看看自己甚麼新鮮蘿蔔皮，以自己性格，我得咩？我可以keep到段關係咩？甚至直接問自己，我我可被依靠既，被負托終身咩？

答案係唔可以。

自己做人優柔寡斷，冇自信冇責任感，要我揹多個人，其實係對個女仔唔公平，做野唔係咁。

睇完鄭丹瑞既分手１００次，當見到大細路鄭伊健無法不改變自己既情況下，去滿足女友對情人既要求，於是，佢決定改變自己，改變到連女友，朋友，同事甚至連自己都唔認識自己時，所有要求均被滿足，但卻唔係原來大細路既鄭伊健，兩人關係漸漸疏離，甚至變得貌合神離時，有甚麼意思？

一星期後，當女仔再問我是否對佢冇意時，我直認不諱，只係，我現在只當佢朋友，心唔再想其他野。有啲野，自己冇能力，唔配，咪唔好去，做朋友咪好，只係，更衰既係，一剎那勇氣逝去，過左去就過左去，感覺唔同左，係自卑冇鬼用又好，係心態改變左又好，it's just timing...

原諒我咁不負責任。

Ebola 101

Original website: http://visual.ly/ebola?utm_source=sendgrid&utm_medium=email&utm_campaign=newsletter_8_07&utm_campaign=website&utm_source=sendgrid.com&utm_medium=email